DEVI SPARKS

E krijova këtë program si rezultat i një eksperience të gjatë në formimin e mijëra femrave, të cilat sot drejtojnë bizneset e tyre dhe janë të suksesshme.

Megjithatë, disa prej tyre hasin vështirësi për ta çuar punën deri në fund dhe përballen me sfida në menaxhimin e biznesit, për shkak të traumave dhe mungesës së njohjes së vetes.

Aktivizo energjinë tënde femërore dhe mençurinë e shpirtit për të jetuar në harmoni dhe balancë të plotë me veten dhe mjedisin ku jeton.

Fillo rrugëtimin tënd drejt shërimit dhe njohjes së vetes tënde më të lartë.

Devi Sparks është një trajnim që do të të zgjojë dhe të shoqërojë në rrugëtimin e njohjes së vetvetes, fuqive të tua personale dhe potencialit tënd të plotë femëror.

Ky trajnim do të të ndihmojë të largosh hijet e tua, frikërat, dyshimet dhe do të të japë qartësi shpirtërore dhe psikologjike në rrugëtimin tënd të zhvillimit personal dhe profesional.

Zbulo fuqinë e vërtetë të shërimit nga femërorja hyjnore për të parë botën me sy të pastër dhe zemër të hapur.

Thellë brenda secilit prej nesh fshihet mundësia për t’u rritur, përmirësuar dhe zhvilluar në forma dhe drejtime që i shohim vetëm në ëndrra. Brenda secilit prej nesh fshihet potenciali për të zhvilluar dashurinë pa kushte dhe për të njohur veten në potencialin tonë të plotë, për të qenë në harmoni me mendjen, trupin dhe shpirtin, dhe për të krijuar jetën që ëndërrojmë.

Duke shëruar vetveten, traumat, historitë dhe paradigmën tonë, duke u lidhur me veten e lartë dhe energjinë tonë femërore, mund të arrijmë të krijojmë harmoni mes shpirtit, mendjes dhe botës ku jetojmë.

Në këtë rrugëtim spiritual do të prezantoheni me energjinë femërore hyjnore dhe me mjete të fuqishme shëruese, të cilat do të jenë udhërrëfyesit tuaj drejt shërimit të shpirtit, hapjes së syve dhe fitimit të qartësisë së plotë për jetën tuaj.

Për më tepër, ky trajnim ju ndihmon të krijoni një ide biznesi, të nisni një biznes dhe, më e rëndësishmja, të arrini SUKSESIN.